ഓർമ്മക്കുറിപ്പുകൾ

എന്റെ ഉള്ളിലെ മനുഷ്യൻ നിന്നെ തിരയുകയാണ്. 

കാഴ്ചകൾ മങ്ങുമ്പോഴും കാലം കടന്നു പോകുമ്പോഴും തിരച്ചിൽ അവസാനിക്കുന്നില്ല. കണ്ടെത്തും എന്ന വിശ്വാസമോ കാണുമെന്ന യാഥാർഥ്യമോ, എന്താണെന്നറിയില്ല, തിരയുന്ന എന്റെ ഉള്ളിൽ ചഞ്ചലമാകാത്ത മനസ്സിന് സ്‌ഥാനം നൽകുന്നത്. രണ്ടാണെങ്കിലും കണ്ടെത്തുന്നുണ്ട്, എവിടെയൊക്കെയോ വെച്.

ഈ തിരച്ചിൽ തുടങ്ങിയിട്ട് കാലം ഏറെയാകുന്നു എന്ന തിരിച്ചറിവ് ഏറ്റവും അവസാനമായി ഉണ്ടായ കണ്ടുമുട്ടലിലാണ് നമ്മൾ തിരിച്ചറിഞ്ഞത് . അതോ അത് നീ നേരത്തെ തന്നെ അറിഞ്ഞിരുന്നോ? 

എന്റെ ഉള്ളിലെ വ്യക്തിബോധത്തെ നിർവികാരതയുടെ ഇടങ്ങളിലേക്ക് തള്ളിയിട്ട് കാലത്തെ മുന്നോട്ട് നയിക്കുന്ന കാലഘട്ടത്തിലെല്ലാം അതിനൊരു മാറ്റം സൃഷ്ടിക്കാനെന്ന വണ്ണം നീ എത്തിച്ചേരുന്നു എന്നത് അത്ഭുദത്തോടെ അല്ലെങ്കിലും അല്പം ആശ്ചര്യത്തോടെ തന്നെ ഞാൻ തിരിച്ചറിയുന്നു. 

ആ തിരിച്ചറിവിന്റെ പ്രതീകങ്ങളാണ് നീ എത്തിച്ചേരുമ്പോൾ മാത്രം പിറവിയെടുക്കുന്ന ഈ കുറിപ്പുകൾ.