ഒരു നോക്ക്

ഇന്ന് രാത്രിയില്‍ നക്ഷത്രങ്ങളെ കാണാന്‍ മുറ്റത്തേക്ക് ഇറങ്ങിയപ്പോള്‍ എന്നെ നോക്കി ചിരിക്കുന്ന നക്ഷത്രങ്ങളെ മാത്രമല്ല, നക്ഷത്രങ്ങളെ നോക്കി പുഞ്ചിരിക്കുന്ന ഒരു സുന്ദരിയായ പൂവിനേയും ഞാന്‍ കണ്ടു. മൃദുല സുന്ദരമായ സ്വപ്‌നങ്ങള്‍ നെയ്തു ഒരു രാത്രി അവര്‍ പങ്കിടുകയാണ്. 

അകലങ്ങളില്‍ ഇരുന്നു, ഇമ ചിമ്മാതെ, നിശബ്ദതയിലൂടെ സംസാരിച്ചു, നനുത്ത സ്വപ്‌നങ്ങള്‍ നെയ്തു, ഇരുളിന്റെ ഇഴകളെ വകഞ്ഞു മാറ്റി............... അവര്‍ വേര്‍പിരിയാന്‍ ഒരുങ്ങുകയാണ്!!!

അതെ...നാളെ ആ പുഷ്പം ഞെട്ടറ്റു അടര്‍ന്നു വീഴുന്നതിനും എത്രയോ മുന്‍പേ ആ നക്ഷത്രം പോയ്കഴിഞ്ഞിരിക്കും.......വിരഹാര്‍ദ്രയായി പുഷ്പം തന്റെ ജീവന്‍ കളയുന്നത് കണ്ടു നിസ്സഹായനായി നോക്കി നില്കുവാനല്ലേ ആ നക്ഷത്രത്തിന് കഴിയൂ ???    

-------------------------------------------------------------------------------------------------------------------------------

A night's image